Rúv+, Skjáreinn+, Stöð2+… Hvað er næst? Rúv++, Skjáreinn+24, Stöð2+365? Bráðum fara að myndast hópar í samfélaginu sem lifa klukkutíma á eftir öllum hinum. Þetta byrjar sakleysislega, það er sniðugt að geta horft á fréttirnar klukkutíma síðar ef maður kemur seint heim eða horft á uppáhaldsþáttinn sinn á Skjáreinn+ vegna þess að maður tafðist í umferð. Næst ferðu að treysta á þessa nýju leið til að horfa á sjónvarp og dagurinn er allt í einu orðinn klukkutíma lengri.
Þegar tækninni fleygir svo fram og afþreyingarmöguleikum fjölgar verðum við væntanlega komin með enn fleiri stöðvar; Stöð2++, Skjáreinn+24… Allt í einu ertu farinn að fylgjast með fréttum degi á eftir öllum öðrum, í partíum þarftu að hópa þig með þeim sem sitja í sömu súpunni svo umræðan um málefni “líðandi stundar” verði ekki stórundarleg. Fyrr en varir ertu búinn að tapa viku úr lífi þínu, horfir á Rúv+7 og átt erfitt með að skilja af hverju það er alltaf rigning þegar veðurfréttamaðurinn spáir sólskini.
Á endanum hlýtur svo að koma að því; stofnað verður félagið 365+ utanum rekstur fjölmiðlasamsteypu sem birtir ársgamalt efni fyrir ekta íslenska “frestara” (e. procrastinator). Þetta systurfélag 365 verður stærra með hverjum ársgömlum deginum og á endanum verður ákveðið að þurrka út heilt ár úr Íslandssögunni, enda allir hættir að lifa í nútímanum.
Ég er að bíða eftir rúv- svo ég geti horft á fréttirnar í beinni áður en þær gerast
Haha, the plot thickens…
Annars er ég að reyna að koma með lausn á helvítis stafasettsvandamálinu. S.s þegar einhver kommentar hérna þá kemur bara bull (fyrir utan þau augljósu tilvik þegar viðkomandi er í raun að bulla). Þetta er af því blogg kerfið vill endilega vera UTF8 en ég er að reyna að þröngva því til að vera latin1…
Já! - ertu búinn að blogga í marga daga maður?
- kominn í áskrift.
Mér finnst þetta bæði hryllileg tilhugsun og fyndin tilhugsun. Hugsanlega samt meira fyndin en hryllileg. Helst langar mig að sjá 365 bygginguna, nákvæmlega eins hús við hliðina á því gamla, þarsem sömu atburðirnir gerast klukkutíma síðar en í gamla tímanum.
Afhverju stendur annars að það séu 6 athugasemdir við þessa færslu þegar það eru bara 3?
Tjah, nú eru allavega 5…
Þetta er frábær pæling ! Ég sé fyrir mér enn hættulegri framtíð: Fréttir 7 fást ókeypis en svo þarftu alltaf að greiða meira og meira til að fá fréttir sem eru nær rauntíma … Það væri fyndið, svona er þetta nú þegar í fjármálageiranum, 30 mínútna gamlar fréttir eru ókeypis en svo þarftu að greiða til að færast nær rauntíma
Hæhæ
Ég var einmitt að lesa hérna þessa færslu um daginn og mér finnst þetta alveg frábær pæling 
Það er ótrúlegt hvað fólk finnur uppá til að græða á og ég held að sjónvarpið sé að stefna í einhverja furðulega átt. Ég hef aldrei getað valið um jafnmargar stöðvar og hérna úti…ekki nema 45. En takk fyrir skemmtilegt comment 
Örn ætlar einmitt að fá að blogga næst. Haltu áfram að blogga 