Sævar Öfjörð

… er loksins upp runninn! Ég veit að Jón hefur beðið þessa dags lengi…

Það er nú aldeilis búið að ljúka miklu af í dag. Ég vaknaði, fór út í bakarí í snarklikkuðu roki, borðaði, setti í þvottavél, mætti í tíma, fór yfir 21 skilaverkefni, bjó til lausnavef fyrir nemendurna í dæmahópnum mínum, bjó til lausn á verkefni 6, borðaði, kenndi dæmatíma, sendi inn lausn mína á verkefni 3 í gagnasafnsfræði, leysti eitt dæmi í hönnun tölva, fórum út í Bónus, keyptum þar fyrir 16.000, fórum heim, tróðum einhvern veginn matnum inn í ísskáp og frysti (eftir tiltekt í frysti), vöskuðum upp, elduðum geðveikt góðan mat (tortilla), horfðum á nokkra sjónvarpsþætti, komst að því að Auður hafði sett í tvær þvottavélar til viðbótar, ætlum að horfa á einn þátt enn en ekki fyrr en búið er að taka úr vélinni… Og það ætla ég að gera núna! Og að hugsa sér að ég svaf ekki nema í svona 3 tíma í nótt. Veðrið var helvíti leiðinlegt fyrir utan og lamdi meðal annars trampólíni nágrannans ansi utan í girðingu hálfa nóttina…

En á meðan ég man: Fyrir þau ykkar sem eru ekki klár á því af hverju fartölvurafhlöður endast ekki, hér er svarið.