Sævar Öfjörð

… er að kveldi kominn. Tók þó forskot á sæluna og var allan sunnudaginn að græja rafnem tölvuverið í VR II. Þetta var svolítið maus en tókst að lokum. Heimasvæðin voru svo afrituð í nótt, tók hátt í hálfan sólarhring! MySQL var svo dumpað yfir í dag þannig að það er flest allt komið í nothæft ástand.

Fór annars í tvo tíma í morgun í þriðja árs stofunni (bara næs að vera kominn þangað). Sá fyrri Hönnun Tölva. Eyddum góðum hálftíma í að fá skjávarpann til að virka. Endaði með því að ég þurfti að taka upp skrúfjárnið… Kennarinn virðist ágætur þar, grínaðist með þetta bara. Svo þegar efnið kláraðist djókaði hann meira og lét þetta gott heita. Svo kom Jóhannes í MOSið. Hann virðist ágætis kall, kannski pínu stífur. Ég ætti kannski ekki að vera að segja þetta svona á opinberum vettvangi, en hey! Ég hlýt að vera haldin sjálfseyðingarhvöt…

Svo er það í fréttum að ég er orðinn dæmatímakennari í tölvunarfræði 1a. Kenni sem sagt einn dæmatíma á viku og 2 tölvuverstíma fyrir utan að fara yfir verkefnin. Kominn með verkefnahólfið 69 ef einhver vill senda mér gamaldags póst, hehe.

O jæja, segi þetta gott í bili! Auður kemur heim á miðvikudagskvöld, ég er að telja niður…