Jæja þá er maður kominn með nýju tölvuna í hendurnar. Það er ekkert annað en Thinkpad T60 með dual core örgjörva og fleiri standpínu fídusum fyrir allan peninginn. Þessi verður án efa mikið notuð eins og gamla fartölvan sem var komin með glansáferð á lyklaborðið vegna notkunar…
Roger Waters og co. voru helvíti góðir, sándið var mjög flott og sjóvið töff líka. Lenti í smá vandræðum á leiðinni á tónleikana þar sem mér datt í hug að fara Vesturlandsveginn ásamt hinum 15.000 sem voru á tónleikunum. Þannig að maður var í bílaröð í a.m.k. klukkutíma, endaði með því að ég labbaði bara frá Vesturlandsvegi við brúna yfir í Grafarvog. Kom á endanum lafmóður og sveittur á tónleikana þar sem mín beið passi. Eftir tónleika vann ég svo fyrir Exton við niðurtekt. Það var helvíti mögnuð keyrsla og á örfáum tímum var mestallt draslið komið niður. Klukkan 3 um nóttina fattaði ég að ég hafði gleymt að spyrja Sigga Vír hvort ég fengi far í Vesturbæinn, og hann var að sjálfsögðu farinn heim, og enginn annar á leiðinni í þá áttina í bráð. Sem betur fer var Magnús Árni að vinna þarna líka, og hann var með far. Á endanum komst ég á Víðimelinn um fimmleytið. Vaknaði svo klukkan 7, Auður keyrði á Selfoss og ég mætti í vinnu klukkan 8…
Núna er maður bara staddur á Víðimelnum að slappa af. Auður er að vinna með Norddjobburum, strák frá Svíþjóð og stelpu frá Noregi. Þau voru að fara í Nordjobb ferð á sunnudeginum svo hún bara bauð þeim að gista hjá okkur. Þannig að í gærkveldi vorum við fjögur og Bylgja bara að sötra öl heima og kíktum svo niður í bæ með útlendingana að kynna íslenskt næturlíf fyrir þeim.
Í dag fórum við niður í bæ á 17. júní hátíðarhöldin. Ég hef nú aldrei verið í Reykjavík á þjóðhátíðardaginn, og þetta var nú bara ágætt, horfðum aðallega á slatta af tónlistaratriðum. Einhvern veginn hefur 17. júní alltaf verið einhver svona letidagur, maður var alltaf í skrúðgöngu á þessum degi fyrir nokkrum árum, en ekki lengur. En það var ágætt að sjá hvernig þetta er í Reykjavík, að mörgu leyti svipuð dagskrá og á Selfossi, en bara miklu meira að gera. Svo ég eiginlega upplifði þennan þjóðhátíðardag allt öðruvísi en ég hef gert áður.
Monthly Archive for júní, 2006
Nú er maður lítið búinn að blogga hér undanfarið, það er búið að vera nóg að gera við að flytja á Selfoss og vinna í TRS. Svo er maður alltaf eitthvað að vesenast á kvöldin svo ég er búinn að finna það út að ég hef eiginlega ekki sofið almennilegan svefn í svona 3 vikur… Það spilar reyndar inn í að við höfum haft kattarkvik-yndið inni hjá okkur á nóttunni, og það þarf auðvitað alltaf að fíflast og leika sér um leið og við förum að sofa!
Annars var ég að vinna fyrir Exton á laugardag, setja upp svið fyrir Roger Waters kallinn. Það var svona dæmigert puð en ég áttaði mig líka á því að ég hef varla hreyft mig svona mikið síðan bara ég veit ekki hvenær. Maður verður að fara að hreyfa sig eitthvað. Svo eru tónleikarnir í kvöld, og vinna við niðurrif strax á eftir og fram á nótt. Maður verður helvíti ónýtur í fyrramálið í vinnunni held ég.
Annars var ég að renna yfir VöllaBlogg, þar sem hann talar um að naga neglur. Ég er samt svo svakalegur í þeirri íþrótt að þegar neglurnar eru búnar byrja ég yfirleitt á húðinni í kring líka, og oft endar það með að það kemur sár sem blæðir úr og ég bölva sjálfum mér í sand og ösku fyrir að vera svona vitlaus. Nokkrum dögum síðar er ég yfirleitt búinn að naga puttann niður aftur. Ætli maður geti ekki bara látið dáleiða sig eða eitthvað til að losna við þennan ánskota?
Nýjustu komment
RSS